Bli med

Medlemskap i Jæren Mållag

Eit medlemskap er ein enkel måte å støtte arbeidet for nynorsk, dialekt og kultur på Jæren – og du vel sjølv kor aktiv du vil vere.

Meld deg inn hos Noregs Mållag

Slik vert du medlem

Innmelding skjer gjennom Noregs Mållag. Du vert automatisk plassert i det lokallaget som ligg geografisk nærast deg. Bur du i området vårt, vil du normalt verta knytt til Jæren Mållag.

Det kostar 200 kroner å melda seg inn. Etter det varierer den årlege medlemskontingenten etter kva lokal- og fylkeslag du høyrer til. Frå 1. oktober kvart år gjeld innmeldinga også for året etter.

Bur du saman med ein som allereie er medlem, finst det husstandsrabatt. Er du under 26 år, kan du melda deg inn i Norsk Målungdom.

Les vilkåra og meld deg inn på nm.no

Kvifor medlem?

Fleire medlemer gjev meir tyngd

Medlemstalet er ein viktig del av styrken til målrørsla. Fleire medlemer gjer lokallaget sterkare og gjev større tyngd i arbeidet for nynorsk lokalt og nasjonalt.

Du treng ikkje sitja i styret eller møta på alle arrangement. Det viktigaste er at du står saman med oss.

Medlemsvekst

Langsiktig vekst på Jæren

Medlemstala frå Time og Klepp samla, og seinare Jæren Mållag, viser ein tydeleg langsiktig vekst.

I 2001 var det 186 medlemer. Etter eit lågpunkt på 167 i 2007 har utviklinga over tid peika oppover. Ved utgangen av 2025 hadde laget 249 medlemer.

Utviklinga har ikkje vore jamn frå år til år, men trendlinja er tydeleg: stadig fleire har valt å stå som medlemer i målrørsla på Jæren.

2001–2025

186 → 249 medlemer

Det svarar til ein netto auke på 63 medlemer, eller om lag 34 prosent, frå 2001 til 2025.

Tala er henta frå medlemsoversikta som vart presentert i siste årsmelding.

Vil du vere med?

Støtt nynorsken på Jæren

Eit medlemskap styrkjer både Jæren Mållag og Noregs Mållag. Innmeldinga tek berre nokre få minutt.

Bli medlem i dag

Registrering og betaling skjer trygt hos Noregs Mållag.

Gå til innmelding